තමන්ගේ කැමැත්ත යම් දෙයකට ද එය ලබා ගන්නට දක්වන්නේ දැඩි උනන්දුවක්. වස්තුව සොයා ගිය අයටම වස්තුව කෙරෙහි ආසාව නැති විනි නම්, එය ආසාව තුරන්කිරීමට හේතු වූ කාරණයක් ලෙස සැලකිය හැකිය.

ඉතින් ඔය කරුණු ගැන මොකටද තව තවත් කරුණු හගිස්ස වන්නේ? ඔන්න ඔහේ තියෙන දෙයක් කාලා කතා අස්සට වැටිලා මෙන්න මෙහේට වෙලා ඉටු! ඒ මෙන්න මේ නිසා. ශ්‍රේෂ්ඨයන් තුළ ඇතිවෙන ආදර කරුණාව ජීවිතාන්තය දක්වා නොසිඳී පවතින්නක්. නමුත් කෝපය දීර්ඝ කාලයක් නොරැඳී පහව යන දෙයක්. වෙන්ව යාමය කියන්නේ ඇළුම් බවක් නෑ කියන එකයි.

සහෝදර මන්ථරක! ඔබ හැබෑම වාසනාවන්තයෙක්. කිනම් ආකාරයෙන් ඔබ ගැන සිතුවත් දක්නට ලැබෙන්නේම පැසසිය යුතු තරම් ගුණ රාශියක්. ඒ ඇයි ද කියනවා නම්, මෙන්න මේකයි හේතුව. 

යහපත් අයට මුහුණ පාන්නට සිදුවන විපත් කරදරවලදී ඒවාට කර-උර දෙන්නේ යහපත් අයෙකුම තමයි. ඒ ඇයිද කියනවා නම්, මඩේ එරුණ ඇතෙකු ගොඩ ගත හැක්කේ එවන් බලසම්පන්න ඇතෙකුටම පමණක් වීම මෙනි. යාචකයන් හෝ වෙනත් කිසිවෙකු පිහිට පතා යමෙකු වෙත පැමිණි පසු ඔවුන් ඉවත බලා සෝ සුසුමෙන් නොයන්නේ නම්, ඔහු ඒකාන්තයෙන්ම පැසසුමට ලක් විය යුත්තෙකි. අත පෑ අයගේ ප්‍රාර්තනා ඉටු කිරීමේ ගුණයයි ඒ.

එසේ කාලය ගෙවෙමින් තිබිය දී දිනක බියේ ගැහී ගැහී හති හෙළමින් මන්ථරකලා සිටි තැනට මුවෙකු එමින් සිටියේ ය. ඔහුගේ පැමිණීම දුටු මන්ථරක තමන්ට කිසියම් ආපදාවක් කරදරයක් සිදුවේ යැයි සිතා වහා ම විලට බැස්සේ ය. මීයා ද ගුළක් තුළට වැදුනේ එන පොට කුමක් වේ දැයි නොදත් කුකුසෙනි. කාක්කා ද ඉගිලී ගොස් ගස් මුදුනක වැසුවේ ය. ඔහු හාක්පස නිරීක්ෂණය කර ආපදාවක් නොවන බව වටහා ගත්තේ මුවා පසුපස පන්නා ගෙන ආවෙකු නොසිටි බැවිනි. පෙනෙන මානයක අනතුරක් නැතැයි ලඝුපතනක කළ දැනුම් දීමෙන් අනතුරුව හිරණ්‍යක හා මන්ථරක ද කල එළි බැස්සාහ.

“හොඳයි චිත්‍රෙ, අපට ඕනෑ සැබෑ මිතුරන්. ඔබත් අපේ මිත්‍ර සංගමයට බඳවා ගන්නවා. කෑම බීම ඕනෑ පදං මේ අහල පහළම තියෙනවා. මෙතනම පදිංචිවෙලා මේ වනයේ ජීවිතය ගෙන යන්ට.”

“වැද්දෙකු මා පස්සෙ එලවාගෙන ආවා. පණ කෙන්ද බේරාගන්ට දුවනකොට තමා තමුන්නැහේලා හදි ගැහුණේ. ඉතින් මටත් කියන්ට තරම් යහළු මිත්‍රයන් නෑ. ඔබලාගේ සෙවණේ මාත් ඉන්නේ. මා කෙරෙහි දැක් වූ මිත්‍රශීලීභාවයට ගොඩක් ස්තූතියි!”