284. ප්‍රිංසිපල් ග්‍රේඩ් වන් | සත්‍ය කතාවක්

“කියවීම මිනිසා සම්පූර්ණ කරයි!”
❤❤❤ ❤❤❤ ❤❤❤ ❤❤❤ ❤❤❤


බලාගෙන යනකොට ඒකත් හරි තමා. මාව කපන්නෙ නැතුව ඕන එකක් කරගත්තට මට කමක් නෑ.

පිස්සුද මගේ ප්ලෑන හරි ගියොත් ඒකෙ ගෞරවය එන්නෙ ඔබ තුමාට. බලන්ට සතියක් ඇතුළත පැහැදිලි වෙනසක් මං පෙන්වන්නම්. පුළුවන් නම් මේ සතියේ ගමේ ගිහින් ඉන්ට. කිසි දෙයකට බය වෙන්ට එපා. පොඩි එකයි නංගිලයි මං බලාගන්නම්

එතකොට මොකද වෙන්නෙ?”

මට දැන් ආව අයට කියන්න පුළුවන් ලොකු මහත්තයා විශේෂ රාජකාරි වලට කන්තෝරුවට ගත්තා මාව මෙතෙන්ට දාලා කියල

එහෙම හරි ද?”

හරි, ඔයා ම මිනිස්සුන්ට කියන්න ‘විශේෂ ව්‍යාපෘති වැඩ සටහන් වගයක් ක්‍රියාත්මක කරන්ට අධ්‍යාපන අමාත්‍යංශයෙන් නියෝග කරල තියෙනවා. මාව දාලා තියෙනවා කලාවැව ඒරියා එකට. විපුලසේන මහත්තයා මෙහාට එවල තියෙනවා. ඒ මහත්තයාගෙ උපදෙස් අනුව කටයුතු කරන්න’ කියල. එහෙම කීවනම් මිනිස්සු පිළිගනියි.”

බිරිඳ හා නංගීත් මේ කතාව අසා සිටියා. ඔවුන් දෙන්නට දෙන්නා මුහුණ බලාගෙන කිසියම් තීරණයකට එළැබි බවක් පෙනුණා.

මොකද නෝනෙ කියන්නෙ මේ මලයගෙ යෝජනාවට.

මට නම් පේන්නෙ ඒක හොඳයි වගේ. ළමයින්ගේ පැමිණීමත් නෑ. ගුරුවරුනුත් හරියට වැඩක් කරන්නෙ නෑ.  දෙමාපියනුත් පාසැල ගැන සැලකීමක් නෑ. අපි බලමු සතියක් ඇතුළත විශේෂයක් වෙයි ද කියල. අනික ඔයාට මේ දවස් වල කුඹුරු වැඩත් තියෙනවා. වැඩ ඉවර වෙලා රෑ වෙලා මෙහාට එන්ට පුළුවන්නේ

කලාවැවේ ඉඳල හවසට මෙහෙ ආවහම දකින අය පිළිගන්නෙ නෑ. මං ගෙදරම ඉන්නං. ඔය ගොල්ලන්ට බය වෙන්ට දෙයක් නෑ මලය ඉන්නවනේ. මලය ගිහින් රැස්වීම පටන් ගන්න මං එන්නම්

අඹ ගස් හෙවණේ සිසුන් ලවා පුටු ගෙනවුත් කවාකාරව තැබුවා. ගුරුවරුන් සඳහා ද ආසන පැනවුවා. ඒ වන විට පැමීණ සිටි ගුරුවරියන්ට රැස්වීමට එන ලෙස දැන්වුවා. දෙමාපියන්  හා ගුරුවරුන් අසුන් ගත් පසු විදුහල්පති කැඳවූවා. සියළු දෙනාම නැගිට එතුමන්ට අචාර කළා.

දෙමාපියන් කැදවීමේ අරමුණ මං විස්තර කළා. එයට ප්‍රදේශයේ තත්වයත් ගැමියන්ගේ නැති බැරි කමුත් දුෂ්කර හා කටුක ජීවිතයත් එකින් එක විග්‍රහ කරමින් අන්තිමේ දී ප්‍රශ්න කළා. තමුන් සේම දරුවන් ද අනාගතයේ කටුවැල් කොටා ජීවත් විය යුතු ද හේනෙ පැළක තරුණ ජීවිතය ගත කළ යුතු ද ඔවුන් යටත් පිරිසෙන් රජයේ කම්කරු තනතුරක් නැත්නම් පියන් වැඩක් හෝ නො කළ යුතුද යන කරුණු ඇතුළත් අනුවේදනීය කතාවෙන් කාන්තාවන් කීප දෙනෙක් කදුළු පිස දමනු දුටුවා. පිරිමින් බිම බලාගත් ගමන් සිටියා. මේවා මං කියන්නේ විදුහල්පති තුමාගේ අලුත් සංවිධාන ක්‍රමයට අනුවයි.

 



"Reading maketh a Full man ..."

dhamma.lk.ingreesi.com © 2016 - 2020. Powered by Blogger.
කියවීම මිනිසා සම්පූර්ණ කරයි!

෴ An AnglomaniA IngreesI (රාවණ යක්ඛ) and *A Bona Fide CreatioN ෴

Auto Scroll Stop Scroll