1.
ඔබ තුමන්ගේ සමාංක .... .... .... හා
.... .... .... දින දරණ ලිපිය අනුව මා වහා ම ක්‍රියාත්මක වන පරිදි .... .... .... විදුහලට ස්ථාන මාරු කර
ඇත.
2.
මෙම ස්ථාන මාරුව වෙනුවෙන් මා කිසිදු
අභියාචනයක් නො කළ අතර .... .... විදුහලේ සිට
.... .... විදුහලට ස්ථාන මාරු කර ඇත්තේ ද මාගේ ඉල්ලීමකින් තොරවය.
3.
වර්ෂයක් තුළ ස්ථාන මාරු දෙකක් දීම
කොතෙක් දුරට පිරිපාලන රෙගුලාසි වලට අනුකූලදැයි යන්න කාරුණිකව සිහිපත් කරවමි.
4.
මේ හෙයින් මාගේ නව ස්ථාන මාරුව
උදෙසා ආයතන සංග්‍රහයේ නියමයනට අනුකූලව උක්ත ස්ථාන මාරුව ‘ගමන් වියදම් සහිතව’ යන්න
සඳහන් කර ලබා දෙන ලෙස කාරුණිකව ඉල්ලා සිටිමි.
5.
මෙම කාරණය උදෙසා නැවත මා කාර්යාලයට
ගෙන්වා නො ගැනීමට ගරු ඔබ තුමා සංවිභාගශීලී වනු ඇතැයි අපේක්ෂා කරමි.
ස්තුතියි,
මෙයට
- සේවා ලැදි,
විපුලසේන.
“ඇයි ඉතින් ස්ථාන මාරුවකට ගමන් ගාස්තු දෙන්ට බෑ කියන්නෙ?” රාජකාරි ක්‍රමය ගැන නො දන්නා බැවින් දැනුම්වත්වීම සඳහා මිලිනා අතුරු ප්‍රශ්නයක් ඇසුවා.
ඒක
මෙහෙමයි,
ගමන් ගාස්තු උපවේශන දීමනා වගේ ඒවා දෙන්නෙ රාජකාරීමය අවශ්‍යතා
සඳහා ස්ථානමාරු කළොත්, මේක එහෙමැයි දේශපාලනඥයන්ගේත් උන්ගේ හොර ගෑණුන්ගේත් එහම
නැත්නම් පලිගැනීම්වලට නිලධරයන්ගෙත් ඕනෑ එපා කම් මත කරණ මාරුවලට ගමන් ගාස්තු
ගෙව්වොත් හරි විගණනයක් කළොත් වග කියන්ට වෙන්නේ නිලධරයාට. ඒ කියන්නේ මාරු ලිපියට
අත්සන් කරපු එකාට. මේක සේවයේ යෙදිල ඉන්න බොහොම දෙනෙක් දන්නෙ නෑ. ඒක නිසා තැලෙන
යකඩෙ දැක්කහම උඩ පැන පැන තලන කම්මල් කාරයෙක් වගේ නිලධරයන් අහිංසක සේවකයන් වහළුන්ගේ
තත්වයට පත් කරණවා. නීතියට අනුකූල නැති ස්ථාන මාරු ඇතුළු විධි විධානවලට එරෙහිව
පුද්ගලයන් වශයෙන් හරි නැගී හිටියොත් දේශපාලනඥයන් කියන කියන පදේට නටන නිලධාරීන් කියන
පුස් බූරුවන්ට කරන්ට පුළුවන් කෙං ගෙඩියක් නෑ. එහෙම වුණොත් දේශපාලනඥයනුත් අමනයන්
වෙනවා.
බස්රථවල
රිදුරන්ගේ වෙහෙස නිවා ගැනීමටත් ඔවුන්ට ආහාර පාන ගැනීමටත් තැනක නැවතුණා. සැතපුම්
සිය ගණනක් එකම ඉරියව්වෙන් බසයේ ගමන් කිරීම නිසා විඩාවට පත්ව තිබුණ සිරුරට කිසියම්
සහනයක් සලසා දෙනු පිණිස සියල්ලන් ම බස් රථ වලින් බැස්සා. ඇතමුන් අවට කටු පදුරු
තලාගෙන ගොස් තම තමන්ගේ අවශ්‍යතා ඉටු කර ගත්තා. මිලිනා දෑසින් කළ ඉඟියෙකින් ඇය පසු පස තල් ගසක් අසලට ගියා. ඇය මාගේ
දෙපතුල් අසළ ම හිද ගනිමින් බඩ දිය බෑවා.
